കൊല്ലത്തിന്റെ കള്ളു സോഡ അറിവ് തേടുന്ന പാവം പ്രവാസി കൊല്ലം നഗരം 62-ാംമത് സംസ്ഥാന സ്‌കൂള്‍ കലോത്സാവത്തിന്റെ തിരക്കിലാണ്. എന്നാല്‍ അതിലും തിരക്കാണ് കൊല്ലം ആശ്രാമം മൈതാനിക്ക് അടുത്തായി ഉള്ള ‘കല്ലു കട’യില്‍. വാ,ഒരു ഗ്ലാസ് കള്ളു കുടിച്ചിട്ടു പോവാം എന്നു പറഞ്ഞാല്‍ നിന്നു പരുങ്ങേണ്ട. ഇത് കള്ളുകുടിയൻമാർക്കുള്ളതല്ല സോഡ കുടിയൻമാർക്കുള്ള കള്ളുസോഡയെക്കുറിച്ചാണ്. കള്ളുകുടിയൻമാർക്കും ഈ കള്ളുസോഡ ഇഷ്ടമാകുമെന്നുറപ്പ്. കള്ളും ചാരായവുമൊന്നുമല്ല.സോഡയെ ഒന്നു മോഡിഫൈ ചെയ്തതാണ് കളളുസോഡ. ഒരു തുള്ളി ലഹരിപോലും ഇതിലില്ല. ഒന്നുകുടിച്ചു നോക്കു. നല്ല നാരങ്ങാപ്പുളിയും , പഞ്ചസാരമധുരവും , സോഡയുടെ തരുതരുപ്പും , ഐസിന്റെ തണുപ്പുമൊക്കെ ചേര്‍ന്നു പതപതയെന്നു ഗ്ലാസ് തുളുമ്പുന്ന രസികന്‍ നാരങ്ങാവെള്ളമാണിത്. മധുരവും , ഉപ്പും , പുളിയും പ്രത്യേക അനുപാതത്തിൽ ചേർത്ത് അതിൽ സോഡ ചേർത്തുണ്ടാക്കുന്നതാണ് കള്ളു സോഡ.ഇതിന്റെ മറ്റൊരു പ്രത്യേകത പാനീയത്തില്‍ കള്ളിന്റെ ഒരു അംശം പോലും ഇല്ല എന്നതാണ്. കല്ലു കടയുടെ പ്രധാന സവിശേഷത ഇവിടെ ഉണ്ടാകുന്ന എല്ലാ പാനീയത്തിലും ഉപ്പ് ചേര്‍ക്കുന്നു എന്നാണ്. 
കൊല്ലത്ത് ആശ്രമം മൈതാനത്ത് നിന്നാണ് കള്ളു സോഡയുടെ ജനനം. 40 വർഷം മുമ്പ് കൊല്ലം സ്വദേശി രാജനും മക്കളും തുടങ്ങി വെച്ച ഈ രുചി വിപ്ലവത്തിന് ഇപ്പോഴും ആവശ്യക്കാർ ഏറെ .ജി. ആർ. സ്റ്റോർ ഇന്നും പ്രത്യേക രുചിക്കൂട്ടോടെ തയ്യാറാക്കുന്ന നാരങ്ങാവെള്ളത്തിനു പ്രസിദ്ധമാണ്. വലിയൊരു ഗ്ലാസിൽ തുള്ളിത്തുളുമ്പുന്ന കള്ളുകുടിച്ചു മേൽച്ചുണ്ടിൽ പറ്റിപ്പിടിച്ച വെളുത്ത മീശ തുടച്ചു നിൽക്കുന്ന ആൾക്കൂട്ടത്തിനു നടുവിലാണ് എപ്പോഴും ഈ കട.കള്ളുസോഡ ഉണ്ടാക്കുന്ന കാഴ്ചയും ഒന്നു കാണേണ്ടത് തന്നെ ആണ്‌. https://youtu.be/_zQW7mKiReA നിറം കണ്ടിട്ട് നാരങ്ങാവെള്ളം കുടിക്കാനെത്തി യവർ കള്ളെന്നു വിളിച്ചുതുടങ്ങിയത് . ദാഹം ശമിപ്പിക്കാൻ മാത്രമല്ല നല്ലൊരു ദഹനശമിനിയും , വയറിന്‍റെ അസ്വസ്ഥതകൾക്കും നെഞ്ചിരിച്ചിലിനുമൊക്കെയുള്ള മികച്ച പാനീയവുമാണത്രെ കളളു സോഡ.ഒരു ഗ്ലാസ് കള്ള് സോഡയ്ക്ക് 30 രൂപയാണ് വില. സാധാരണ ദിവസങ്ങളിൽ രാവിലെ തുടങ്ങി രാത്രി 11.30നാണ് കച്ചവടം അവസാനിക്കുക. ഈ കള്ളു സോഡയ്ക്കൊരു കുഴപ്പമുണ്ട്‌. ഒരെണ്ണം കുടിച്ചാൽ ഇങ്ങനെ കുടിച്ചോണ്ടേയിരി ക്കും . സോഡ സര്‍ബത്ത്, മില്‍ക് സര്‍ബത്ത് തുടങ്ങി നിരവധി വെറൈറ്റി ടേസ്റ്റുകളില് മറ്റ് പാനീയങ്ങളും ഉണ്ട്.
കൊല്ലത്തിന്റെ കള്ളു സോഡ കുടിച്ചിട്ടുണ്ടോ ?
77 Like
Comment
Share